~*¤ نـــــكـــــت قـــد تموت ( بالـــضـــحـــك )¤*~

قالك هدا واحد الراجل كان معاه كلبة كانيش وهو يقوليه واحد صاحبوا مكلخ منين جبتيه قالوا خدمتوا(يعني سرقتوا) مشى لمكلخ على نيتوا وهو يجيب ليه خنشة ديال الصوف وقال الله يحفظك لما اخدم ليا 2 كانيشات واللي شاط صاوب ليا بيه مشة.




هدا واحد قال لمرتو إلا ولدتي دري نسميوه مبروك و إلا ولدت بنت نسميوها مبروكة.

نهار ولدات جا عندو الدكتور قاليه ألف مبروك. هو إسخف.




الشتاء خيط من السماء الأب فرحان وتيقول :رويها ياكريم.. ولدو داخل للدار وهو يسمعوا ..قاطعو وقال ليه : آش تتخربق الواليد : شفتي هدا الشتاء هي في الأصل ماء وتبخر ، وداك البخار طلع للسماء.. وتفاعل مع الجو ولى سحب تعرضات للبرودة ومن بعد ولات شتاء هي اللي تتشوف دبافهمتي ابا ..
الأب : اييه أولدي هدا الشي الي قراوك تبارك الله تبارك الله.. الشتاء كانت ماء وتعافلت ولا كي كٌلتيليها ولات سحاب عاد ولات شتاء ،مزيااااان والتبروري تتفتلو أمك





واحد اسمه العائلي مالكي مشى يقضي شي غرض إداري قدم البطاقة ديالو الكنية مبيناش مزيان ، قالت ليه الموظفة شنو الإسم العائلي ديالك ؟ قال ليها مالكي ، هزت راسها وقالت ليه مماليش أخويا ..





هذا واحد السيد كال لصاحبو إلا بغيتي تعيط على شي واحد بالإنجليزية أش غادي تقوليه ؟
رد عليه لاخر غادي نقوليه Come here قاليه صحيح
أو قاليه عاوتاني إلا بغيتي تقوليه خرج من هنا أش غادي تقوليه
قاليه غادي نخرج أنا بعدا عاد غادي نقوليه Come Here





هذا واحد سرق حمامة أو مشا كياكل فيها حدا البحر أوشافو واحد البوليسي أو قاليه
أداك شفار سرقتي حمامة أو هاهو الريش ديالها
رد عليك قاليه لا راه غير مشات تعوم أو قالت ليا حضي معاك حوايجي




واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها




هادا واحد ركب فالطاكسي ملي وصل قال لمول الطاكسي شحال؟
رد عليه: هانتا شوف فالكونتور كاينة 10 دراهم،
وهو يعطيه 5 دراهم
قالو مول الطاكسي اشنو هادشي؟
و هو يجاوبو:
5 دراهم ديالي و5 دراهم ديالك راني ماجيتش بوحدي




هدا قال لك هدا جوج مكلخين كل نهار خصهوم اعودو اشنو حلمو افواحد صباح قال واحد منهم انا حلمت بلي راني مسافر ا لخر قال ليه انا حلمت بلي كناكل دجاج قال ليه لول علاش معيطتيش ليا قال ليه راه عيطت ليك اقال ليا باباك راه مسافر




واحد المرة في سبيطار الحماق عطاوهم مرايات كان لي هرسها....ليبقا يلعبها.................الا واحد بقا كيشوف فيها...مشا عندو الطبيب قالوا مالك قالو الحمق هاد الكمارة ما خفياش عليا




هادو فسبيطار الحماق داوهم لشجرة الكرموس كلشي تعلق فيها فالاخر بقاو كيطيحو الا واحد بقى لاسق عليها قالو الطبيب انت مالك مطحتيش...قالو الحمق حيت باقي كرطوطة




هادو واحد تلاتة ديال لفكارن (سلحفاة) تافقو باش يديرو شي عشيوا مشاو لسوق دارو ف الطريق 100عام و
هوما يوصلو تقداو لخضر لي بغاو و التقدية داروفيها 20عام سالاو راجعو لدار ضربوا واحد 100 اخرا شويا وهوما يتفكرو بلا راه نساو لخبز قالو لصغير فيهوم يمشي يجيبو ويقول ليهوم وعنداكم تاكلو قالو ليه ماتخافش
مشا دازت 100 عام لولا و تانيا و تالتا ورابعا .... شافوه تعطل قالو سافي اجي ناكلو
يالاه بغاو ياكلو و هو يخرج ليهوم مين ورا لباب و هو يقول ليهم يا شفتو مافيكمش التيقة)



هادا واحد الولد طلع للسطاح ولقى جداتو كتغسل شعرها من الحنا.
هو غير شاف اللون ديال الما قهوي وهو يقول ليها: شفتي أجدة أشنو كنقول ليك ديما؟ ها راسك تصدى كاع من كترة الجليس ف السطاح


هادا واحد مشات ختو تولد وشداتو الخلعة وتالف. سولوه: أشنو غادي يتزاد عندكوم؟
قال ليهم: إيوا هاد الساعة مازال ما عرفت واش غادي نولي خال أولا خالة



هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية

موضوع جميل جدا وابداع مشكوور جدا لك

طرح جميل جدا

رمضان يجمعنا

يسلمو